私人駕駛教師考試申請 - 申請表的處理進度

籤結果將於2009-09-19當日下午上載運輸署網頁（http://www.td.gov.hk/）。
各位人仕到時就要留意o下自己的結果了 ! ;-)

~奇怪 ? 政府唔係 5 天工作o架咩 ?
還可以星期六即日完成抽籤手續， 又可以即日公佈於網站上 !
點解佢突然間..........又快手得咁可怕o架 !

~真難明啦 ! ....哈 !!!

#詳細內容自己到輸署網頁看看啦 !
http://www.td.gov.hk/public_services/application_for_private_driving_instructors_test/application_for_private_driving_instructors_test/index_tc.htm

私人駕駛教師考試 - 申請通知書之抽籤序號

如果於2009年8 月7 日截止前已順利遞交申請表人士，應該會陸續收到運輸處寄來的一封回郵確認信。信件的右上角會附有一個"申請編號"供曰後作抽籤之次序參考。

如果仍收不到回覆信件的人士，可能其申請文件有誤了。據了解......署方會自動取消其資格 。希望大家一切都順利啦 ! ;-)

好彩小弟三個組別的信都已收齊了，之前都好鬼驚出事會連抽籤都無得玩 !
不過抽籤家o野 ! .......就只好等個天去安排.......啦 !

(這21世紀，還用幸運抽籤方法 ! ~咁它(抽籤)絕對是努力的最大敵人了.....
~哈 ! ~無計 !!! ;-)






信件大致內容如下 :

私人駕駛教師考試申請 處理進度

根據以下運輸署秩私人駕駛教師考試申請處理進度資料，申請人即將會來緊日子，好很快會收到回覆的確認信。不過如果寄了信，但又收唔到呢 ? 咁咪即係大穫o羅 ? 我申請o左三個組別播 ! 如果一封都收唔到......唔知好笑定唔好笑呢?

~嘩 ! 唔好玩呀 ? 連抽的機會都無 ? 預早買保險，分別一封用郵寄，其餘二封親自投入培正道收集箱o架 ! 不過......填錯表可能又會死晒 !

~哈 ! 成日話要公平公正 ! 講真.....運輸署不如認認真真來個櫃台收集，即時派抽籤號碼，再加一個"六合彩"式抽籤 ! 如果佢玩閉門自己抽好無透明度o者 ? 會唔會有人作弊o架 ，真係要密切留意佢點攪至得 !!! ;-)

~哈 ! 唔知想舉報佢....同投訴佢去邊到受埋呢 ???


------------------------------------------------------------------------------------------------

私人駕駛教師考試申請

甲、 申請表的處理進度

在截止申請日期，運輸署共接獲約33,000份申請（第一組別約24,000份、第二組別約6,000份及第三組別約3,000份）。

本署現正處理及核實各份申請是否符合有關要求，並會發信回覆申請人。

² 現時申請表的處理進度如下：
· 第一組別：現已處理8月4日及之前收到的申請
· 第二組別：現已處理8月6日及之前收到的申請
· 第三組別：現已處理8月6日及之前收到的申請

² 如在上述日期後收到的申請，本署現正處理中，會稍後發信回覆申請人。

乙、 私人駕駛教師考試的時間表

根據《道路交通(駕駛執照)規例》(香港法例第374B章)第21A條的規定，由於申請總數超出運輸署擬發出第一、第二和第三組別私人駕駛教師執照的數額，所以運輸署將以抽籤方式決定申請人應考的次序，而抽籤將於9月內舉行。運輸署會隨即以書面通知申請人其抽籤序號，並在運輸署網頁發放抽籤結果。

本署將依照抽籤的先後次序，向符合資格的申請人，發出考試邀請。若運輸署擬發出的私人駕駛教師執照數額已滿，有關考試便會停止，而並未獲邀應考的申請人的申請亦會作廢。筆試將會由2009年10月開始，路試將會由2009年11月開始。

請繼續留意運輸署網站公佈。如有查詢，請致電運輸署熱線2804 2600。




運輸署駕駛事務組
2009年9月3日

再考駕駛路試問題

突然回顧自己揸車的習慣，其實都隨著香港的道路文化而感染了很多壞習慣，例如 : 行駛速度一般都會比限速高出 10~15km 、與前車距離好少會預留3~4車位，即2 秒安全停車距離(一定會成日比人插位)、訊號燈如果無車行駛附近就一定不發......等等。

如果話駕駛年資越長越好，考試一定無問題。但不要忘記其實時間越長也越多壞習慣呢 ? 想改也不是一時可以更正得到的容易事! 當要正正式式再考一個駕駛路試.....也可能不會比一個新學神優勢好太多了。;-)

暫准駕駛 - 掛P字牌

因年紀都唔細，當然早年也已考了一般的駕駛牌照，所以"暫准駕駛"對我唔係有咩影響，所以一直無咩特別留意佢詳細內容。不過有空時都想詳細研究o下 !

所以就先從實際路面方面觀察，近兩三個月每天在路面就會特別留意前面的車輛中有幾多會掛P 牌呢 ? 觀察中，電單車都幾多駕駛者是P 牌，但私家車及VAN 仔就真係少之極少。
咁即係反映咩問題呢 ??? 唔通o的新牌仔覺得太醜怪了，個個都一於等一年後才揸 ? 。不過如果真是這樣! 其實不是一件好事，因為不及時多增進實際路面經驗，自己雪自己牌一年後可能反而發生意外的機會更大呢 !

運輸署 私人駕駛教師考試申請 情況

~嘩! 因申請門檻極低，這次真是要用范纜來形容這次"私人駕駛教師考試" 的情況，運輸署用所謂公平公正的抽籤結果來決定應考人士。基礎上係絕對正確!!! 但實際社會上是種下香港日後道路安全慢性禍毒根源的開始呢。

希望運輸署果o的決策人士知道自己在做什麼啦 ? 唔好只求簡簡單單唔好煩，多做多錯，少做少錯的政府工心態。就講某某....香港$$駕駛學院招募駕駛師傅時都要 Interview 晒應徵者，再選取最合適人士，然後才再安排教師考試啦 ! 至於運輸署就玩所謂公平公正的抽籤，比晒一班撞彩雪藏牌人士去考，好一個撞o下撞o下又考鬼晒，咪話唔出事。 你咁攪法....難聽o的講句，都危害到我日後道路使用的人生安全喎 !

香港路窄車多又快，講真我平日揸細車仔都好驚見果o的大車亂行駛，我知唔夠佢撞，要佢坐監都無用，死果個一定係我，通常一定保持我認知的安全距離，好彩這十幾年日日揸車都未發生過交通意外。不過正所謂......事必無因，惜日種下禍根的高官們，日後禍及返自己的家人，你就知咩事啦 !

私人駕駛教師考試申請 - 抽籤人數統計

香港人最叻係咩 ? 當然係遞表"抽樓"、"抽股"......啦! 這次有得"抽牌"點會走雞呢 !

即使十年都唔揸車一次，有份固定豐厚收入的工作，都會齊齊響應遞表申請啦 !

~哈! 如果這次要先比$500至可以抽籤會唔會咁熱鬧呢 ?

以下是隨便用計數機，簡單地計算百分率供參考 :

第1類別 (私家車及輕型貨車) : (347 / 24000) x 100% = 1.45%
第2類別 (小巴) : (55 / 6000) x 100% = 0.92%
第3類別 (貨車) : (58 / 3000) x 100% = 1.93%


------------------------------------------------------------------------
教車師傅牌照申請情況 : (資料來源：運輸署)

類別：私家車及輕型貨車發牌數目： 名額347，申請人數：2.4萬超額：68倍。
類別：小巴發牌數目： 名額55，申請人數：6,000超額：108倍。
類別：貨車發牌數目： 名額58，申請人數：3,000超額：50倍。

總數-發牌數目： 460
申請人數： 3.3萬
超額： 70倍